फलफूलहरु मध्ये आँपलाई राजा फलका रुपमा लिइन्छ । अहिले गर्मीको मौसम, आँप पाइने सिजन हो । अहिले बजारमा आँपले राम्रो स्थान पाएको देख्न सकिन्छ ।आँपमा क्यालोरी, फाइबर, भिटामिन ए, सी, भिटामिन बी सिक्स, पोटासियमलगायत तत्व पाइन्छ।

आँपका फाइदाहरु

– आँपमा हुने एन्टिएक्सिडेन्ट तत्वले क्यान्सर रोगको जोखिम कम गर्छ।
– यसमा पाइने भिटामिन ए ले आँखा तेजिलो बनाउन मद्दत गर्छ।
– आँपमा उल्लेख्य मात्रामा फाइबर हुने भएकोले पाचन शक्ति राम्रो बनाउनुको साथै पेट सफा राख्न सहयोग गर्छ।
– आँपले रोग प्रतिरोधात्मक क्षमताको पनि वृद्धि गर्छ।
– आँपले यौन तथा प्रजनन् क्षमता विस्तारमा पनि सघाउँछ।
– भिटामिन र खनिज पाइने हुनाले आँपले छालामा चमक ल्याउनुको साथै कपाल झर्नबाट पनि रोक्छ।
– आँपको नियमित सेवनले मुटुको समस्या कम गर्न सघाउँछ।