रमा पन्थी/रुपन्देही / आज सिद्धार्थनगर नगरपालिका ९ स्थित भानु माध्यमिक बिद्यालयमा आँखा शिविर सम्पन्न भएको छ । शिविर बिहान ९ बजेदेखि दिउँसो ३ बजे सम्म चलेको हो । उक्त शिविरमा करिब ३०० जनाको चेक जाँच हुन सक्ने कुरा चेक जाँचमा सम्लग्न नर्सहरुले बताउनु भयो । अत्याधिक गर्मिका कारण सोचे जति आँखाका बिरामी आउन नसकेको कुरा पनि उहाँहरुले बताउनु भयो।
सिद्धार्थनगर नगरपालिकाको आर्थिक सहयोगमा स्थानीय सिद्धार्थ नगरपालिका वडा न ९ मा थियो भने शिविरको आयोजना नेपाल नेत्रज्योति संघ रुपन्देही साखा , लुम्बिनी नेत्र विज्ञान अध्ययन सस्थान तथा रिसर्च सेन्टर , श्री रणअम्बिका आँखा अस्पताल शिध्दार्थनगर नगर पालिका ३ रुपन्देहीको संयुक्त आयोजना मा सम्पन्न भएको हो । सिद्धार्थनगर नगरपालिका १० वटा वडामा नै आँखा शिविर सञ्चालन गरि सबैलाई सहभागिता गराइ आँखा रोगी कोहि पनि नहोस् भन्ने उद्देश्यले रणअम्बिका आँखा अस्पताल भैरहवा र सम्बन्धित वडाको सहकार्यमा आँखा शिबिर सञ्चालन हुँदै आएको छ । शिविरमा मोतिबिन्दुका बिरामीहरुको निशुल्क शल्यक्रिया गरिने भएको छ ।
