१२ असार, रूपन्देही। गुल्मीकाे सत्यवती गाउँपालिकाले गाउँपालिका भित्रका कृषकहरुलाई सम्मान गरेकाे छ। जिल्ला समन्वय समिति गुल्मीका प्रमुख दोर्णबहादुर खत्रीकाे आथित्यता रहेकाे उक्त कार्यक्रममा गाउँपालिकाका उत्कृष्ट आठ जना कृषकलाई नगद रू छ हजार र वडास्तरीय आठ जना कृषकहरुलाई नगद पाँच हजार र प्रमाणपत्रले सम्मान गरिएको हो ।
पालिकास्तरीय उत्कृष्ट कृषकहरुमा रणबहादुर पुन, दुर्गाबहादुर बुढाथोकी, तुल्सीराम पाण्डे, प्रेम शाही, कृष्णलाल न्यौपाने, धनबहादुर पुन, थम्मनप्रसाद भट्टराई र जग्गनाथ ढकाललाई सम्मान गरिएको हो ।
वडास्तरीय उत्कृष्ट कृषकहरुमा भोजराज ज्ञवाली, खगेश्वर ढकाल, छबिलाल ढकाल, भुपा भुसाल , तारा तरामु खत्री, सोमप्रसाद पाण्डे, इन्द्रबहादुर बिक, र प्रेमप्रसाद पुनलाई सम्मान गरिएको हो । सोही कार्यक्रममा दैनिक २० लिटरभन्दा बढी दुध उत्पादन गर्ने १० जना कृषकलाई क्यान पनि वितरण गरिएको छ ।
गाउँपालिकाका अध्यक्ष टीकाराम पाण्डेले व्यावसायिक रुपमा कृषि र पशुपालन गर्नेका लागि कृषकहरुलाई आग्रह गरेका छन् । व्यावसायिक रुपमा कृषि र पशुपालन गर्नेका लागि पालिका सधैँ साथमा रहेको बताए।
